चीनले आफ्नै मुलुकमा र विश्वभरि मानव अधिकारकर्मी तथा असन्तुष्ट पक्षलाई दबाएको र निरुत्साहित गरेको आरोपमा चिनियाँ अधिकारीमाथि भिसा (प्रवेशाज्ञा) प्रतिबन्ध लागु गर्ने भएको अमेरिकी विदेश मन्त्रालयले जनाएको छ ।
विदेश मन्त्री एन्टोनी ब्लिनकेनले चीनमाथि उइगुरको हत्या र तिब्बत तथा हङकङमा थिचोमिचो गरेको आरोप लगाएका छन् । चीनले असन्तुष्टहरु र मानव अधिकार रक्षकहरूलाई दबाएको र हतोत्साहित पारेको उनको भनाइ छ ।
शुक्रबार अमेरिकी राष्ट्रपति र चिनियाँ समकक्षी सी जिनपिङबीच भएको टेलिफोन वार्तापछि बाइडेनले चीनले यदि रुस विरुद्धको प्रतिबन्ध अस्वीकार गरेमा नराम्रो नतिजा भोग्नुपर्ने चेतावनी दिँदै मस्कोविरुद्ध अमेरिकी नेतृत्वमा आबद्ध हुन आग्रह गरेका छन् । यसको प्रतिक्रियामा बेइजिङले पनि चीन एक स्वतन्त्र मुलुक भएको र एकपक्षीय प्रतिबन्धको विरोध गर्नु उसको अधिकार भएको जवाफ फर्काएको छ ।
