बाग्लुङमा विद्यालय जान भनी हिडेका दुई किशोर बेपत्ता भएका छन् ।
बेपत्ता हुनेमा जिल्लाको काठेखोला गाउँपालिका–७ रेशनुन्थलाका १५ वर्षीय विष्णु थापा र त्यही ठाउँका १६ वर्षीय आशिष थापा रहेका छन् ।
रेशनुन्थला माध्यमिक विद्यालयमा कक्षा ८ मा अध्ययनरत उनिहरु गत ६ गते आइतवार बिहान १० बजे घरबाट विद्यालय हिँडेका तर विद्यालय नपुगी सम्पर्कविहीन भएको पाइएको छ ।
परिवारले किशोरहरूलाई खोजी दिनका लागि जिल्ला प्रहरी कार्यालय बाग्लुङमा जानकारी गराएपछि सबै प्रहरी एकाइलाई त्याे विवरण पठाइएको जिल्ला प्रहरी कार्यालय बाग्लुङले जनाएको छ ।
