रुकुमपश्चिममा मिनी ट्रक दुर्घटनामा परि सह–चालकको मृत्यु भएको छ । सोमबार राती साढे १ बजेको समयमा ट्रक भेरी नदीमा खस्दा सह–चालकको मृत्यु भएको हो ।

जिल्लाको आठबिसकोट नगरपालिका–६ मनकाबगरमा गोतामकोट देखी डोल्पाको खदाङ तर्फ खुद्रा सामान लिएर जाँदै गरेको नम्बर नखुलेको मिनी ट्रक भेरी नदीमा खस्दा सोहि नगरपालिका–६ का ट्रक सह–चालक २२ वर्षीया धनबहादुर बोहराको मृत्यु भएको हो ।भेरीमा खसेको ट्रकमा सवार ४ जना मध्ये बोहोराको घटनास्थलमै मृत्यु भएको खबर आएको साथै एक जना बेपत्ताको खोजीकार्य स्थानीय तथा प्रहरीले गरिएको रहेको छ ।

यस्तै, घाइते अन्य व्यक्तिलाई प्रहरीले उद्दार गरी स्थानीय स्वास्थ्य चौकीमा उपचार भइरहेको छ भने बेपत्ता हुनेमा आठबिसकोट नगरपालिका–६ का २३ वर्षीय अनिल बिक रहेका छन् ।