चितवनमा इनारमा डुबेर ७४ वर्षीया सुकमाया रानाभाटको मृत्यु भएको छ । जिल्लाको माडी नगरपालिका–७ किर्तनपुर प्रगतिटोल निवासी उनको आइतबार मृत्यु भएको हो ।
जिल्ला प्रहरी कार्यालयका अनुसार आज बिहान घरबाट निस्किएकी रानाभाट अबेरसम्म घर नपुगेपछि उनको खोजी भएको थियो ।
घर नजिकैको इनार बाहिर चप्पल तथा लौरो भेटिएको र वृद्धा डुबेको अवस्थामा भेटिएको प्रहरीले जनाएको छ । वृद्धाको शव परीक्षणका लागि भरतपुर अस्पतालमा ल्याइएको र घटनाबारे अनुसन्धान भइरहेको प्रहरीले जनाएको छ ।
