मकवानपुरमा बस दुर्घटना हुँदा २ जनाको घटना स्थलमा नै मृत्यु भएको छ भने ९ जना घाइते भएका छन् ।
हेटौंडाबाट चितवनतर्फ जाँदै गरेको बा ४ ख ४४५४ नम्बरको यात्रुवाहक बस मनहरी गाउँपालिका वडा नम्बर–६ सुनाचुरी भुल चोकमा अनियन्त्रित भइ पल्टिएर दुर्घटना भएको इलाका प्रहरी कार्यालय मकवानपुरले जानकारी दिएको छ ।
तत्काल क्षतिको एकीन गर्न समस्या भएको र बसमा कति यात्रु थिए भन्ने बारेमा पनि जानकारी भइसकेको छैन । घाइते ९ जनाको उद्दार गरी उपचारका लागि चितवन तर्फ पठाइएको छ । घटनाबारे थप विवरण आउन बाँकी रहेको प्रहरीले जनाएको छ ।
