संस्कृति, पर्यटन तथा नागरिक उड्डयनमन्त्री प्रेमबहादुर आले र नेपालका लागि अमेरिकी कार्यवाहक राजदूत म्यानुयल मिक्यालर बीच आज भेटवार्ता भएकोे छ ।
स्रोतका अनुसार सिंहदरबारस्थित मन्त्रालयमा भएको शिष्टाचार भेटमा द्विपक्षीय सम्बन्धका विविध विषयमा कुराकानी गर्दै मन्त्री आलेले अमेरिकी सरकारले नेपालको विकासलगायतका विविध क्षेत्रका साथै कोरोना भाइरसविरुद्ध लड्नका लागि गरेको सहयोगको सराहना गरे । कार्यवाहक राजदूत मिक्यालरले नेपालमा पर्यटन प्रवद्र्धन, कला संस्कृति तथा नागरिक उड्डयनका क्षेत्रमा अमेरिकाले गर्दै आएको सहयोगलाई निरन्तरता दिने बताए ।
