काठमाडौं उपत्यकाका विभिन्न स्थानमा एकैदिन १ हजार ६४३ जना सवारी चालकमाथि कारवाही गरिएको छ ।
कारवाहीमा पर्नेमा फुटपाथमा पार्किङ गर्ने सबभन्दा बढी ८३ जना, मदिरा पिएर सवारी साधन चलाउने ६६ जना, जथाभावी यात्रु चढाउने तथा ओराल्ने ५८ जना, र रातो बत्तीको उल्लङ्घन गर्ने ५१ जना रहेका छन् ।
यस्तै, ढोका खुल्लै राखेर सवारी चलाउने ४८ जना, अवस्था ठिक नभएको सवारी साधन चलाउने २४ जना र क्षमता भन्दा बढी यात्रु राख्ने २४ जना चालकहरूलाई पनि कारवाही गरिएको महाशाखाले जनाएको छ ।
