रुपन्देहीमा टिपरको ठक्करबाट साइकलमा सवार एक महिलाको मृत्युु भएको छ । मृत्यु हुनेमा जिल्लाको सैनामैना नगरपालिका–७ कि २६ बर्षीया दिल कुमारी चौधरी रहेकी छन् ।
बिहीबार साँझ लु २ ख ४३२६ नम्बरको टिपरले सैनामैना नगरपालिका–७ देउपारका २७ बर्षीय बद्री चौधरी, उनकी २६ बर्षीया श्रीमती दिल कुमारी चौधरी र ४ बर्षीया छोरी जेनिसा चौधरी सवार साइकललाई बिहीबार साँझ साढे ५ बजे ठक्कर दिएको थियो ।
दुर्घटनामा घाइते भएका चौधरी परिवारलाई उपचारको लागि साझा अस्पताल बुटवल पठाइएकोमा दिल कुमारीको उपचारको क्रममा मृत्यु भएको हो । अन्य घाइतेको अवस्था सामान्य रहेको र टिपरका चालकलाई प्रहरीले नियन्त्रणमा लिएको जनाइएको छ ।
