रुसले पश्चिमा देशका केही नेताहरूले आणविक युद्धमा जान उक्साइरहेको कारण तेस्रो विश्व युद्ध हुन सक्ने बताएको छ ।
आज बिहीवार मस्कोमा भएको पत्रकार सम्मेलनमा रुसका विदेश मन्त्री सर्गेई लाभरोभले पश्चिमा देशका केही नेताहरूले आणविक युद्धमा जान उक्साइरहेको भन्दै अब यसकै कारणबाट आणविक हतियारसहितको तेस्रो विश्वयुद्धको जोखिम रहेको बताएका छन् ।
अमेरिकी राष्ट्रपति जो बाइडेनका क्रियाकलाप र रुसमाथिको प्रतिबन्ध हेर्दा यसको विकल्प तेस्रो विश्वयुद्ध देखिएको लाभरोभको भनाइ छ । विदेश मन्त्री लाभरोभले आणविक हतियारसहितको तेस्रो विश्वयुद्ध हुने/नहुने विषय रुसको नभइ पश्चिमा देशको व्यवहारमा भर पर्ने बताएको कुरा समाचार माध्यमहरुले लेखेका छन् ।
यदि रुसविरुद्ध पश्चिमाहरूले साँच्चै युद्ध चाहेको भए उनीहरूले आणविक हतियारसहितको तेस्रो विश्वयुद्धबारे पनि सोचेको हुन सक्ने उनको भनाइ छ ।
