नेकपा माओवादी केन्द्रमा अध्यक्ष पुष्पकमल दाहाल प्रचण्ड र नेता नारायणकाजी श्रेष्ठबीच विवाद बढिरहेका बेला श्रेष्ठ र नेकपाका महासचिव नेत्रबिक्रम चन्द विप्लवबीच भेटवार्ता भएको छ ।
बुधबार विहान महासचिव विप्लव नेता श्रेष्ठसँगको छलफलका लागि उनको निवास हात्तीवन पुगेका हुन्। उनीहरुबीचको भेटवार्ता जारी रहेको जनाइएको छ।
पछिल्लो राजनीतिक घटनाक्रम, एमसीसी प्रनितिधि सभाबाट पारित भएपछिको अवस्थाका लगायका विषयमा दुई नेताबीच छलफल हुने जनाइएको छ। राजनीतिक सहकार्य गर्ने विषयमा पनि उनीहरुबीच कुराकानी हुने स्रोतको भनाइ छ।
नेकपा माओवादी केन्द्रका अध्यक्ष पुष्पकमल दाहाल प्रचण्डले एमसीसीको व्याख्यात्मक घोषणामा केही नेताले असन्तुष्टि व्यक्त गरेपछि दिएको अभिव्यक्तिलाई लिएर नेता श्रेष्ठ पक्ष असन्तुष्ट बनेको छ।
उक्त समूहले पार्टीबाट अलग हुने विषयमा समेत छलफल थालेपछि अध्यक्ष प्रचण्ड नेता श्रेष्ठसँगको छलफलका लागि मंगलबार हात्तीवन पुगेका थिए।
