दाङमा अपहरण र कुटपिटको अभियोगमा पाँच जनालाई पक्राउ गरिएको छ ।
पक्राउ पर्नेमा तुलसीपुर ३ बस्ने निशान शाही ठकुरी, सुमित भण्डारी, वडा नम्वर ९ का प्रेम डाँगी र दुर्गेश शर्मा र वडा नम्वर ८ का कमल विक रहेका छन् ।
उनीहरुमाथि तुलसीपुर ३ दमारगाउँको जंगल नजिकैबाट सल्यान बागचौर नगरपालिका ९ का १९ वर्षीय जवानलाई कुटपिट तथा अपहरण गरेको आरोप लागेको छ ।
घटनामा संलग्न रहेका भनिएका तुलसीपुर ८ नयाँबस्ती २० वर्षीय विशाल सुनार भने फरार जनाइएको छ । घटनाको अनुसन्धान भइरहेको प्रहरीले जनाएको छ ।
