पश्चिम अफ्रिकामा अवस्थित भूपेरिवेष्ठित राष्ट्र बुर्किना फाँसोको स्थित एउटा अस्थायी सुनखानीमा भएको विस्फोटमा परि कम्तिमा ६० जनाको ज्यान गएको छ ।
दक्षिण पश्चिमको एउटा गाउँमा भएको एउटा अस्थायी सुनखानी स्थलमा रहेको बजारमा भण्डारण गरिएको डाइनामाइटले आगो लाग्दा बिस्फोट भएको प्रत्यक्षदर्शीले जनाएका छन् ।
विस्फोटमा मृत्यु हुनेहरुमा महिला र बालबालिका पनि छन् । घटनास्थलहरूमा शवहरु यत्रतत्र छरिएका थिए । विस्फोटमा घाइते भएका दर्जनौलाई नजिकको अस्पतालमा लगिएको संचार माध्यमहरुले लेखेका छन् ।
