काठमाडौँको सामाखुसीबाट चोरीको मोटरसाइकलसहित दुई जनालाई पक्राउ परेका छन् ।
पक्राउ पर्नेमा महोत्तरी बर्दिबासका २० वर्षीय सञ्जय विश्वकर्मा र सङ्खुवासभा खाँदबारीका रमेश राई रहेका छन् ।उनिहरुलाई महानगरीय ट्राफिक प्रहरी महाशाखाबाट सादा पोसाकमा खटिएको टोलीले पक्राउ गरी आज सार्वजनिक गरेको हो ।
सन्तोष श्रेष्ठको नाममा रहेको उक्त पल्सर मोटरसाइकलको वास्तविक नम्बर प्लेट बा ८५ प ९०३४ लाई परिवर्तन गरेर प्रदेश ३–०२–१२ प ५५८२ नम्बरको प्लेट हालेर चलाएको अवस्थामा उनीहरुलाई पक्राउ गरिएको हो ।
मोटरसाइकलसहित पक्राउ परेका उनीहरुलाई चोरी मुद्दामा अनुसन्धान एवं कारबाहीका लागि महानगरीय प्रहरी वृत्त महाराजगञ्ज पठाएको छ ।
