मकवानपुरमा गुडिरहेको ट्याक्टरबाट खसेर एक युवकको मृत्यु भएको छ । जिल्लाको मकवानपुरगढी गाउँपालिका वडा नम्बर–२ शिखरकटेरीमा गुडिरहेको ट्याक्टरबाट खसेर सोही ठाउँका २१ वर्षीय सुशील विकको मृत्यु भएको हो ।
शुक्रबार राति कान्तिलोकपथ अन्तर्गत पर्ने शिखरकटेरीमा
चढेको ट्याक्टरबाट खसेका विकलाई सोही ट्याक्टरले किच्दा उनको घटनास्थलमै ज्यान गएको प्रहरीले जनाएको छ । प्रहरीले ट्याक्टर नियन्त्रणमा लिए पनि चालको भने फरार रहेको प्रहरीले बताएको छ । फरार चालकको खोजी कार्य भइरहेको उनको भनाई छ ।
घटनाको विरोधमा अहिले स्थानीयले लोकपथ अवरुद्ध गरेका छन् । सम्भावित घटनालाई मध्यनजर गरेर घटनास्थलमा ठुलो सङ्ख्यामा प्रहरी परिचालन गरिएको छ ।
