अमेरिकी सहयोग परियोजना एमसीसीको विरोधमा शुक्रबार पनि राजधानीमा प्रदर्शन भएको छ ।
सरकारले एमसीसी प्रस्ताव टेबल गर्ने तयारी गरेपछि त्यसको विरोधमा सत्तारुढ दल माओवादी केन्द्रको भ्रातृ संगठनसहित विभिन्न कम्युनिस्ट घटकहरुले विरोध प्रदर्शन गरेका हुन् ।
प्रदर्शनका कारण शुक्रबार दिउँसो राजधानीको बानेश्वर क्षेत्रको यातायात प्रभावित भएको थियो । प्रदर्शनकारीले सो क्रममा सडकमा टायरसमेत बाल्दै एमसीसीको विरोधमा चर्का नाराबाजी गरेका थिए ।
