दैलेखमा ढुङगेश्वर गाउँपालिका-१ स्याउली बजारबाट करिब २१ किलो ७२५ ग्राम चाँदीबाट बनेका विभिन्न किसिमका गरगहनासहित दुईजना पक्राउ परेका छन् ।
पक्राउ पर्नेहरूमा कैलालीका डम्बरप्रसाद ढुंगाना र दिपक पाण्डे रहेका छन् ।
प्रहरीका अनुसार सुर्खेतबाट दैलेखतर्फ आउँदै गरेको भे१च ३२१३ नम्बरको बलेरो गाडीलाई जाँच गर्ने क्रममा उक्त परिमाणको गरगहना फेला पारी उनिहरुलाई पक्राउ गरिएको हो ।
साथै उनीहरूको साथबाट १ लाख ६३ हजार ४ ८९ मूल्य बराबरका पोते, पत्थर र गहना राख्न प्रयोग हुने डिब्बालगायत सामानहरूसमेत बरामद गरिएको प्रहरीले जनाएको छ ।
उनलाई थप अनुसन्धान गरि कार्वाहीका लागि राजस्व अनुसन्धान कार्यालय कोहलपुर बाँके पठाइएको जिल्ला प्रहरी जनाएको छ ।
