उदयपुरमा जन्ती बोकेको ट्याक्टर दुर्घटनामा पनि एक जनाको ज्यान गएको छ भने १९ जना घाइते भएका छन् ।
जिल्लाको त्रियुगा नगरपालिका-१६ रातापानीबाट जन्ती बोकेर नेपालटारतर्फ जाँदै गरेको प्र २-०१-००१ त १०९६ नम्बरको ट्याक्टर अनियन्त्रित भई बिहीबार बिान १० बजे मदन भण्डारी लोकमार्गको उदयपुरगढी गाउँपालिका-७ नागबेलीको जंगलमा दुर्घटनामा परेको हो । दुर्घटनामा त्रियुगा नगरपालिका-१४ का १९ वर्षीय मिलन मग्रातीको घटनास्थलमै ज्यान गएको प्रहरीले जनाएको छ ।
घाइते भएकाहरूको उद्धार गरी जिल्ला अस्पताल गाईघाट ल्याउने काम भइरहेको प्रहरीले जनाएको छ । घाइतेहरूको अवस्था र थप विवरण आउन बाँकी रहेको जिल्ला प्रहरी कार्यालय उदयपुरले जनाएको छ ।
