काठमाडौमा स्रोत नखुलेको ७० लाख रुपैयाँसहित एक युवक पक्राउ परेका छन् । पक्राउ पर्नेमा नुवाकोटको ककनी गाउँपालिका–३ का २९ वर्षीय नवराज ढुंगाना रहेका छन् ।
हुण्डीको रकम बोकेर हिँडेका उनलाई महानगरीय प्रहरी कार्यालय, रानीपोखरीको विशेष टोलीले उनलाई मंगलबार बालाजु बाइपासबाट पक्राउ गरेको हो । उक्त रकमलाई महानगरीय प्रहरी वृत्त, बालाजुमा बुझाइ उनी माथी थप अनुसन्धान भइरहेको प्रहरीले जनाएको छ ।
