संखुवासभामा ट्रक दुर्घटनामा परि चालकको मृत्यु भएको छ ।तुम्लिङटारदेखि वीरगञ्जतर्फ जाँदै गरेको ट्रक दुर्घटना हुँदा गोरखा नगरपालिका–४ का चालक मिलन मग्रातीको मृत्यु भएको प्रहरीले जनाएको छ ।
आज बिहान ७ बजे मकालु गाउँपालिका–५ को नुममा सिमेन्ट पुर्याएर फर्कंदै गरेको प्र.२–०–३००१ ख ४३० नम्बरको ट्रक खाँदबारी–९ सभाखोला नजिकै ब्रेक फेल भएर ट्रक दुर्घटना हुँदा चालक मग्रातीको घटनास्थलमै मृत्यु भएको हो ।
शव पोष्टमार्टमका लागि जिल्ला अस्पताल संखुवासभा ल्याउने तयारी भइरहेको प्रहरीले जनाएको छ ।
