झापामा जङ्गली हात्तीको आक्रमणबाट एक व्यक्तिको मृत्यु भएको छ । मृत्युु हुनेमा जिल्लाको मेचीनगर नगरपालिका-१३ का ७५ वर्षीय खम्बासिंह कार्की रहेको प्रहरीले जनाएको छ ।
बिहान ३ बजे घरको बरण्डामा रहेको अन्न खाँदै गरेको जङ्गली हात्ती धपाउने क्रममा आक्रमणमा परी गम्भीर घाइते भएका कार्कीको विर्तामोडस्थित विर्तासिटी अस्पतालमा उपचारकै क्रममा मृत्यु भएको जिल्ला प्रहरी कार्यालय झापाका प्रवक्ता बसन्त पाठकले जानकारी दिए ।
