अफ्रिकी देश घानाको एपीएटमा भएको शक्तिशाली विस्फोटमा परि १७ जनाको मृत्यु भएको छ भने ५९ जना घाइते भएका छन् । स्रोतका अनुसार यो आकडा पुर्ण नभएको र विस्फाेटमा परेर कयौँको ज्यान गएको अनुमान गरिएको छ ।

प्रहरीले ज्यान गुमाएकाहरुको बारेमा औपचारिक जानकारी गराइसकेको छैन । प्रहरीका अनुसार सुन खानीको रुपमा चिनिने सहरमा विष्फोट भएको हो । खानीका लागि आवश्यक विष्फोटक पदार्थ बाकेको गाडी मोटरसाइकलसँग ठोक्किएपछि विष्फोट भएको खबरमा उल्लेख छ । विस्फोट पछि धुलो र धुवाँको मुस्लो उडेको तस्बिर सार्वजनिक भएको छ ।

विस्फाेट पछि कयौँ भवन भत्किएका छन् भने भग्नावशेषमा केही पुरिएका आशङ्का गरिएको छ। घानाका राष्ट्रपतिले नाना अकुफो अड्डोले भग्नावशेषमा पुरिएकाहरुको उद्धार तथा राहतका लागि सेना परिचालन गरिएको बताउनु भएको छ।