पेट्रोलियम पदार्थको मूल्यवृद्धि फिर्ता गर्न माग गर्दै अनेरास्ववियुका विद्यार्थीहरुले प्रदर्शन गरेका छन् ।काठमाडौंको अस्कल क्याम्पस परिसरमा प्रदर्शनमा उत्रिएका विद्यार्थीहरुले प्रधानमन्त्री शेरबहादुर देउवाको पुत्ला समेत जलाएका छन् ।
बुधबार मध्यरातिदेखि लागू हुने गरी नेपाल आयल निगमले पेट्रोल, डिजल र मट्टितेलमा प्रतिलिटिर ३-३ रुपैयाँको दरले मूल्यवृद्धि गरेको थियो । नयाँ मूल्यअनुसार अब एक लिटर पेट्रोललाई १ सय ३९ रुपैयाँ तिर्नुपर्ने छ । एक लिटर डिजल र मट्टीतेलको मूल्य १२२ रुपैयाँ पुगेको छ । त्यस्तै आन्तरिक हवाई इन्धनमा प्रतिलिटर पाँच रुपैयाँ वृद्धि गरी प्रतिलिटर १०६ रुपैयाँ कायम गरिएको छ ।
