नेपालमा पछिल्लो २४ घण्टामा तीन हजार पाँच सय ५३ जनामा कोरोना भाइरसको सङ्क्रमण पुष्टि भएको छ ।
पीसीआर र एन्टिजेन गरी १५ हजार ८१ जनाको नमुना परीक्षण गर्दा तीन हजार पाँच सय ५३ जनामा सङ्क्रमण पुष्टि भएको हो । त्यस्तै दुई सय ७१ जना निको भएका छन् । यो सहित कोरोना सङ्क्रमणमुक्त हुनेको सङ्ख्या आठ लाख १५ हजार तीन सय ४७ जना पुगेकाे छ ।
त्यस्तै आज एक जनाको कोरोना सङ्क्रमणका कारण मृत्यु भएको छ । यो संगै ज्यान गुमाउनेको सङ्ख्या ११ हजार ६ सय १० पुगेको छ । अहिले नेपालमा १४ हजार तीन सय ४० जना सक्रिय सङ्क्रमित रहेका स्वास्थ्य तथा जनसङ्ख्या मन्त्रालयले जनाएको छ ।
