अस्ट्रेलियाको बिग ब्यास लिगमा नेपालका सन्दीप लामिछाने सम्मीलित हरिकेन्स ९ विकेटले पराजित भएको छ । उक्त खेलमा नेपालका लेग स्पिनर सन्दीप लामिछाने विकेट बिहिन बनेका छन ।
सोमबार सिड्नी थन्डरविरूद्धको खेलमा होबार्ट हरिकेन्सका बलर सन्दीपले विकेट लिन नसकेका हुन्। उनले ३.२ ओभर बलिङ गर्दा २१ रन खर्चिए। ८ बल डट फ्याँकेका सन्दीपले २ चौका दिए।
जारी लिगमा हरिकेन्स ११ खेलमा २१ अंक जोडेर चौथो स्थानमा छ। सन्दीपले ११ खेल नै खेल्दा १० विकेट लिएका छन्। सन्दीप ११ मध्ये पाँच खेलमा विकेटविहीन बनेका छन्।
