प्रधानमन्त्री शेरबहादुर देउवाको तीनदिने भारत भ्रमणका लागि गृहकार्य सुरु भएको छ । भारतका प्रधानमन्त्री नरेन्द्र मोदीको गृहराज्य गुजरातको गान्धीनगरमा पुस २६–२८ मा हुने ‘भाइब्रेन्ट गुजरात ग्लोबल समिट’ मा भाग लिन देउवा पुस २५ मा भारत जान लागेका हुन् । परराष्ट्र स्रोतका अनुसार भारतीय पक्षबाट देउवाको भ्रमणका लागि प्रस्ताव आएको छ । प्रधानमन्त्री देउवाले परराष्ट्र मन्त्रालयलाई भ्रमण तयारी गर्न निर्देशन दिइसकेका छन् । ‘प्रधानमन्त्रीको भ्रमणका लागि गृहकार्य भइरहेको छ, मन्त्रालयले अहिलेका लागि पुस २५–२७ को मितिलाई आधार मानेर तयारी भइरहेको छ,’ परराष्ट्र मन्त्रालयका एक अधिकारीले भने, ‘यो अन्य बेलाको जस्तो राजकीय भ्रमण हो/होइन भन्ने टुंगो लागिसकेको छैन ।’
