भारतमा सेना प्रमुख चढेको हेलिकप्टर दुर्घटना भएको छ । चिफ अफ डिफेन्स स्टाफ विपिन रावत लगायत केही उच्च अधिकारी चढेको हेलिकप्टर तामिलनाडुको निलगिरि नजिकै कुन्नर भन्ने ठाउँमा दुर्घटनामा परेको भारतीय सञ्चार माध्यमहरुले जनाएका छन् ।
इन्डियन एयर फोर्सले पनि ट्विटरमार्फत सेना प्रमुख रावतसहितको टोली रहेको एमआई-१७ हेलिकप्टर दुर्घटनामा परेको बताएको छ ।
दुर्घटनाग्रस्त हेलिकप्टरमा रावत पत्नी लगायत अन्य १४ जना सवार रहेको इन्डियन एक्सप्रेसले जनाएको छ । दुर्घटनामा घाइते भएका कम्तीमा ३ जनालाई अस्पताल लगिएको समाचार माध्यमहरुले लेखेका छन ।
तर अस्पताल लगिएका घाइतेको पहिचान भने खुलाइएको छैन ।
