मन्त्रिपरिषद् विस्तारको विषय टुंग्याउन प्रधानमन्त्री शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’र नेकपा एकीकृत समाजवादीका अध्यक्ष माधवकुमार नेपालबीच बालुवाटारमा छलफल जारी छ ।
यो विषयमा हिजो पनि देउवा र प्रचण्डबीच छलफल भएको थियो । सरकारलाई यथाशीघ्र पूर्णता दिनेबारे उनीहरूबीच छलफल भएको थियो । आज यसबारे सबै विषय टुंग्याएर भोलि मन्त्रिपरिषद् विस्तार गर्ने देउवाको तयारी छ ।
यसैबीच नेकपा एकीकृत समाजवादीका केन्द्रीय सदस्य एवम् सांसद मेटमणि चौधरीले आफ्नो पार्टी भोलि सरकारमा जाने तयारीमा रहेको बताए । मन्त्रालयको भागबण्डा टुंग्याउन अहिले तीन नेताबीच छलफल जारी रहेको चौधरीको भनाइ छ ।
