आफूपक्षीय जिल्ला सभापतिहरु आन्दोलित भएपछि नेपाली कांग्रेसका वरिष्ठ नेता रामचन्द्र पौडेल समूहको बैठक बसेको छ ।
नेता प्रकाशमानसिंहको निवासमा नेता पौडेल, महामन्त्री शशांक कोइराला, पूर्वसहमहामन्त्री अर्जुननरसिंह केसी, केन्द्रीय सदस्यहरू बलबहादुर केसी, मिनेन्द्र रिजाल, दिलेन्द्रप्रसाद बडु, शेखर कोइरालासहितका नेताहरू छलफलमा जुटेका हुन् ।
पौडेल पक्षधर कांग्रेस जिल्ला सभापतिहरू नै आन्दोलित भएपछि पौडेल समूहको बैठक बसेको हो । बैठकमा उनीहरुको धर्ना, अनसन, माग र महाधिवेशनका विषयमा छलफल भएको जनाइएको छ ।
क्रियाशील सदस्यताको सूची वेबसाइटमा राख्नुपर्ने र जिल्ला सभापति उठ्ने मापदण्ड एउटै बनाइनु पर्ने मागसहित उनीहरु आन्दोलित छन् ।
पौडेल समूहले भदौ १८ अघि नै सभापतिको उम्मेदवार चयन गरेर देशभर एकताको सन्देश दिने समझदारीसमेत गरेको छ । भदौ १८ मा कांग्रेसले देशैभर वडा अधिवेशन गर्दैछ। कांग्रेसको १४औं महाधिवेशन मंसिर ९ देखि १३ सम्म काठमाडौँमा हुँदैछ ।
