तालिबानले अफगानिस्तान माथि कब्जा जमाएको छ । जसकारण त्यहाँ उथलपुथल नै भएको छ । अहिले विश्वमा नै चर्चाको विषय अफगानिस्तान भएको छ ।
अफगानिस्तानको विषयले अहिले बढी चिन्ता ‘बिग बोस’ फेम अर्शी खानलाई भएको छ । उनको जन्म अफगानिस्तानमा भएको हो । उनी चाँडै नै अफगानिस्तानको क्रिकेटरसँग विवाह गर्ने तयारीमा थिइन् । तर अहिले उनलाई त्यहाँको अवस्थाले डर सिर्जना गरिदिएको छ ।
यही कारण उनी आफ्नो वैवाहिक सम्बन्धलाई टुंग्याउने निर्णयमा पुगेकी छिन् । ‘जोसँग यो अक्टोबरमा मेरो इन्गेजमेन्ट हुने कुरा थियो, ऊ मेरो बुवाको साथीको छोरा हो । उसलाई मेरो बुवाले नै मन पराउनुभएको हो । हामी एकअर्कासँग कुराकानी पनि गथ्र्यौ । हामी मिल्ने साथी भइसकेका थियौं । तर अहिले भने अफगानिस्तानमा तालिबानको कब्जाका कारण हाम्रो सम्बन्ध टुटेको छ’, उनले भनेकी छन् ।
