गीतकार अन्जु अधिकारीको तीज गीत नाचौं साथी हो सार्वजनिक भएको छ ।
अधिकारीले यो बर्षको हरितालिका तीजलाई बिषेश महत्व दिदै आफ्नै शब्दमा नयाँ तीज गीत बजारमा ल्याउनु भएको हो । गीतलाई गायिका मेलिना राईले मिठो स्वर दिनु भएको छ भने उहाँले भिडियोमा प्रमुख कलाकारको भुमिकामा अभिनय समेत गर्नुभएको छ । बिन्ध्यावासीनी म्युजिक कम्पनीको युटयुब मार्फत सार्वजनिक भएको छ । आफ्नो मातृभूमिलाई छोडेर परदेशी हुनुको पिडा र परदेश पुगेर पनि त्यहाँ हुने बिभीन्न आरोह अवरोह बीचको संघर्षलाई गीतले प्रस्ट पारेको छ ।

आफ्नो देशको कला र संस्कृतिलाई जोगाई राख्नुपर्दछ, भन्ने सकारात्मक सोच बोकेर अगाडि बढिरहनु भएकी अधिकारी अस्ट्रेलियामा बस्ने दिदीबहिनीहरूले मिलेर खोल्नु भएको दिदीबहिनी समाज भिक्टोरिया संस्थामा आबद्ध रहेर बिभीन्न सामाजीक कामहरूमा निरन्तर क्रियाशील देखिनुहुन्छ । यसै बर्षको अन्तिम सम्ममा उहाँको अर्को नयाँ आधुनिक गीत पनि बजारमा आउने तयारीमा रहेको उहाँले जानकारी दिनु भयो । विगत लामो समय देखी अस्ट्रेलियाको मेल्बर्न शहरमा बस्दै आउँनु भएकी अन्जु अधिकारी स्वास्थ्य क्षेत्रमा काम गरे पनि उहाँको समाजसेवा लगायत साहित्य र सङ्गीत क्षेत्रमा निकै रूची छ ।