काठमाडौंको कलान्कीमा टिपरले ठक्कर दिएपछि एक पैदल यात्रीको मृत्यु भएको छ। महानगरीय ट्राफिक पुलिस डिभिजन (एमटीपीडी) काठमाडौंका इन्चार्ज एसएसपी जनक भट्टराईका अनुसार गत रात बल्खुबाट थानकोट तर्फ जाँदै गरेको बा १ ख ५८९३ नम्बरको टिपरले उनलाई हिर्काउँदा करीव २५ बर्षको एक युवकको मृत्यु भएको थियो। महाराजगञ्जस्थित टीयू शिक्षण अस्पतालमा उपचारका क्रममा उक्त युवकको मृत्यु भयो। पक्राउ पर्ने क्रममा ट्रिपर चालक ३० वर्षीय युवा थोकलाई प्रहरीले नियन्त्रणमा लिएको छ।