साउदी अरबले बिहीबारदेखि श्रम भिसा दिन सुरु गर्ने भएको छ। नेपाल वैदेशिक रोजगार व्यवशायी महासंघका अनुसार साउदी अरबले श्रम भिसा, भिजिट भिसा र आवासीय भिसालगायत भिसा दिन लागेको हो।
कोरोना भाइरसको महामारी र लकडाउनका कारण साउदी अरबले श्रम भिसा दिन बन्द गरेको थियो। कोरोना भाइरसको महामारीका कारण भिसा अवधि समाप्त भएका, रोजगारी गुमाएका लगायत १० हजार ८ सय ५८ जना नेपाली साउदी अरबबाट स्वदेश फर्किएका छन्।
