भाद्र २० – रानीबारीमा शुक्रबार भएको घटनामा प्रहरीले तीन जनालाई पक्राउ गरेको छ। एक साताअघि भलिबल खेलमा भएको विवादलाइ लिएर रानीबारीका तीनजनालाई प्रहरीले पक्राउ गरेको काठमाडाैँ परिसरका प्रवक्ता सोमेन्द्र सिंह राठाैरले जानकारी दिए।उनका अनुसार एक हप्ताअघि भएको भलिबल खेलमा विवाद हुँदा ढुंगेधाराका युवाहरूले रानीबारीमा आएर चारजनामाथि कुटपिट गरेका थिए। कुटपिटबाट रानीबारीका चारैजना गम्भीर घाइते भएका थिए।
घाइते भएका उनीहरूलाई मनमोहन मेमोरियल अस्पतालमा भर्ना गरिएको थियो। तर रानीबारीका युवाहरूले त्यहाँ पनि आएर कुटपिट गरेका थिए,जसमा तीनजना पक्राउ परेका छन् भने ६ जना फरार रहेका छन्।पक्राउ परेका तीनजनामाथि कर्तव्य ज्यान मुद्दामा अनुसन्धान भइरहेको छ।
